| Biografía |
Nado na antiga Checoslovaquia en 1929, trasládase a Alemaña en 1951. Realiza
estudos artísticos e cofunda diversas revistas satíricas.
Está considerado un dos grandes ilustradores do século XX. Ademais de libros
infantís, asinou debuxos de carácter político, caricaturas e tiras cómicas.
Puntualmente practica a súa faceta como escritor, como sucede neste caso.
Unha serie de trazos definen a súa obra, achegándonos unha visión do mundo na
que nada semella demasiado serio. A través da ironía saca á luz os problemas dos
individuos ante o universo. Por medio da fantasía semella crear o caos e a través
da desorde móstranos un mundo sen sentido aparente. (Ed. Xerais) |
