Traducións
Título Negras sombras. Antoloxía do relato policial
Autoras/es Nome  Esther Pérez Fernández
 Helena González Ferreiro
Publicacións  [Negras sombras. Antoloxía do relato policial]
Ilustracións  
Xénero  LIT_Narrativa_Relatos
Lingua  Galego - glg
Direccionalidade  Sen mención
Ano  1997
Edición  monolingüe
Formato, volume, fascículo, número, páxinas  Encadernación rústica, 21x14 cm, 172 p.
Obra completa, Antoloxía  Antoloxía do relato policial de Dashiell Hammett et al.
Tipo de edición  1ª edición
ISBN  84-8288-141-8
Lugar de edición: editora, colección  Vigo: Editorial Galaxia, Col. Costa oeste, nº 5
Localización e signatura  C. Superior Bibliográfico de Galicia 060534
Fonte  Viceversa
Soporte  papel
Introdución e notas  
Textos críticos   O libro ábrese cunha presentación na que se fai unha breve análise do relato policial nos anos 30, 40 e 50 e dos autores característicos do xénero. Contén sete relatos do xénero negro traducidos ó galego: “O anxo do segundo andar”, de Dashiell Hammett, no que a ladroa Grace o anxo se introduce no cuarto dun escritor para lle inspirar un relato; “Estarei agardando”, de Raymond Chandler, relata cómo o personaxe Tony Reseck intenta axudar a miss Gressy e á persoa que agardaba no Windermere hotel; “Un home de palabra”, de Damon Runyon, quen conta a historia de Samuel o Pés, coñecido por ese nome por ter uns pés fóra do común; “O home na rúa”, de Georges Simenon, relato no que o inspector Maigret investiga o crime de Bagatelle; “Os cans, o desexo e a morte”, de Boris Vian, no que un taxista narra en primeira persoa a súa estraña relación con Slacks, unha cantante dun club nocturno de Nova York; “Un día gañado”, de Graham Greene, estraño relato no que un home segue a outro sen coñecelo de nada; “A prostituta autorizada ou a esposa”, de Patricia Highsmith, conta a historia de Sarah, casada pero con varios amantes, quen conseguiu a morte do seu home para se converter na viúva alegre; “Miña é a vinganza S.A.”, de Roald Dahl, relato no que o personaxe protagonista conta cómo se lle ocorreu formar a organización “Miña é a vinganza S.A.” que ofrece os seus servicios á xente rica para vingarse das aldraxes publicadas nos xornais. Recensións: -M. Blanco Rivas, “Os mellores autores da novela negra”, Faro de Vigo, “El Sábado”, nº 30, 1 novembro 1997, p. 7. Logo de facer unha serie de comentarios sobre as orixes da novela negra e da súa introdución en Europa, refírese ó libro Negras Sombras, unha publicación que, segundo o seu criterio, presenta nunha coidada edición relatos dos autores máis representativos do xénero negro, mediante os cales o lector poderá introducirse no mundo da novela negra. -Manuel Darriba, “Moi escuras paisaxes”, El Progreso, “Táboa Redonda”, Segunda Época, nº 55, 6 decembro 1997, p. III. Referencia á compilación de “relatos negros” que Galaxia vén de publicar dentro da súa colección xuvenil Costa Oeste, baixo o título Negras sombras. Informa de que se trata dunha antoloxía que lle dá un xiro ascendente á mencionada colección e que recolle relatos de “primeiras plumas”, como é o caso de Raymond Chandler, Georges Simenon, Graham Greene, Patricia Highsmith, Roal Dahl, Dashiell Hammet, Boris Vian e Damon Runyon. De forma breve comenta cada un dos relatos destes autores integrados na antoloxía. Referencias varias: X. G. G., “As oportunidades perdidas”, A Nosa Terra, nº 808, “Guieiro Cultural”, 11 decembro 1997, 18. A publicación de Negras sombras, unha escolma de relato policial negro vertida ó galego, sérvelle ó crítico para facer unha serie de puntualizacións respecto deste xénero, das correntes e dos autores que o representan; a súa diferencia de opinión respecto ó estudio feito no prólogo e a selección de obras fai que considere a edición unha oportunidade perdida para poñer en contacto ó lector galego con esta literatura.
Premio(s)  
Observacións  
Ficheiros