O xoves 28 de setembro terá lugar a celebración do Día Internacional da Tradución 2023. O acto contará cunha conferencia a cargo de Burghard Baltrusch, ás 11:30 h., no salón de actos da Facultade de Filoloxía e Tradución e un faladoiro no que intervirán Fina Casalderrey, Paula Carballeira e Patricia Buxán na aula 1 do edificio Redeiras, ás 19:00 h.
O evento será retransmitido pola Canle 1 da UVigo TV. Anexamos cataz para máis información.
Agardamos que sexa do voso interese.
A compañeira Iolanda Galanes Santos, en representación do grupo BITRAGA, foi convidada a participar no acto conmemorativo ao recentemente falecido escritor vigués Domingo Villar. O acto titulado “Domingo Villar: distintas perspectivas de una misma ausencia” foi promovido polo Club Faro de Vigo para rendir unha merecida homenaxe a este “novelista extraordinario y ser humano ejemplar” (Faro de Vigo).
O vindiero xoves, 26 de maio, ás 16h., presentarase a través da UVigoTv a antoloxía bilingüe guaraní-galego Rosalía ñe’ë poravopyre (Escolma poética de Rosalía), unha selección poética de Follas Novas de Rosalía de Castro, matriarca das letras galegas, con traducións en guaraní da tamén poeta Susy Delgado.
O acto desenvolverase de modo virtual e contará coa participación da nosa compañeira Iolanda Galanes Santos, profesora do Departamento de Tradución e Lingüística da Universidade de Vigo (autora do prólogo e moderadora do acto); e do noso compañeiro Anxo Angueira Viturro, presidente da Fundación Rosalía Castro e profesor do Departamento de Filoloxía Galega e Latina, amais doutras figuras destacadas na nota de prensa anexa.
O acto iniciarase ás 16h. en Galicia e 10h. en Paraguai e poderase seguir a través da seguinte ligazón.
UVigoTV (sala 1): https://campusremotouvigo.gal/access/public/meeting/998318684
Agardamos que sexa do voso interese e poidades asistir.
A presentación foi gravada e arquivada no repositorio da UVigoTV e pode verse NESTA LIGAZÓN.
Tamén é destacable o seu impacto en prensa, como se desprende dos seguintes artigos que recollen a súa repercusión:
Faro de Vigo – “Follas Novas xa pode lerse en guaraní”
Atlántico Diario – “Rosalía ‘habla’ un nuevo idioma, guaraní, gracias a Susy Delgado”
O vindeiro xoves 7 de abril, entre as 16 e 18 horas, terá lugar a presentación do libro Promoción cultural y Traducción. Ferias internacionales del libro e invitados de honor, da editorial Peter Lang.
O evento emitirase en formato virtual a través da canle Directo1 UVigoTV (https://tv.uvigo.es/directo1) e contará coa asistencia de Carmen Villarino Pardo, Iolanda Galanes Santos e Ana Luna Alonso (as súas editoras), ademais de con algunhas das persoas colaboradoras na monografía, como o antropólogo arxentino Gustavo Sorá.
Trátase dun acto aberto para todas as persoas interesadas na promoción cultural, as feiras internacionais do libro, a tradución e o sector do mercado editorial. Agardamos por vós a través desta ligazón!
O evento foi gravado e arquivado no repositorio da UVigo TV e está xa dispoñíbel a través de:
Anunciamos a CONFERENCIA Internacionalización da literatura catalá a partir das feiras internacionais do libro a cargo de Jordi Jané-Lligé, da Universitat Autònoma de Barcelona.
O relatorio tratará sobre o impacto e as consecuencias que tivo a presenza da cultura catalá como convidada de honra na Feira do Libro de Frankfurt de 2007 na súa internacionalización. Ademais, abordaranse as políticas de difusión internacional da literatura e a cultura catalás do Institut Ramon Llul, así como a incentivación da tradución de autoras e autores cataláns (clásicos, modernos, literatura infantil, etc.). Como exemplo, analizarase a proxección de dous autores contemporáneos: Joan Saes e a súa novela Incerta glòria (un clásico da literatura catalá do século XX) e María Barbal, Premi d´Honra de lles Lletres Cataláns do ano 2021.
O evento terá lugar ás 12:00 h. no salón de actos da Facultade de Filoloxía e Tradución da Universidade de Vigo a través do seu campus remoto ao que se poderá acceder dende o seguinte código QR ou ligazón e chave de acceso:
https://campusremotouvigo.gal/access/public/meeting/3010424426
Acceso: EVUeyN8P
Os próximos 10, 11 e 12 de marzo, inserido no proxecto CULTURFIL, de la Universidad de Santiago de Compostela, se celebra el simposio internacional “Promoción cultural en las ferias internacionales del libro” en la sede virtual del Consello da Cultura Galega. No seu programa figuran diferentes conferencias, ponencias y mesas redondas serán emitidos a través de la web de la entidad colaboradora de su canal de Youtube.
O encontro reunirá especialistas académicos/as de prestixio internacional que exporán diferentes traballos perspectivas relacionadas cos estudos da Cultura. En concreto, neste simposio abordaranse varias ferias internacionais do libro (Liber Madrid-Barcelona, Livre Paris, Feira Internacional do Libro de Guadalaxara, Feira Internacional do Libro de Bos Aires e Frankfurter Buchmesse) desde a perspectiva dos Estudos da Cultura, a Socioloxía da Tradución e a Economía da Cultura cun equipo pluridisciplinar e internacional, como a socióloga francesa Gisèle Sapiro (EHESS), o antropólogo arxentino Gustavo Sorá, o filólogo Marco Bosshard (Universidade de Flensburg) ou a especialista en Estudos de Tradución Olga Castro (Universidade de Warwick).
CULTURFIL (www.culturfil.org) é un proxecto investigación da USC, no que participan activamente as profesoras da FFT da Uvigo: Iolanda Galanes Santos, Ana Luna Alonso, Silvia Montero Küpper e Aurea Fernández. O evento dá seguimento a outras actividades do proxecto celebradas moitas delas na Universidade de Vigo e que se poden consultar na páxina Culturfil.
25 de xaneiro de 2020, na Biblioteca Concepción Arenal. Campus Vida, Rúa dos Feáns, s/n, Santiago de Compostela.
A AGX, en colaboración coa AGPTI, a Universidade de Vigo e a Universidade de Santiago, organiza a I Xornada de Tradución Literaria Alemán-Galego, que terá lugar o 25 de xaneiro de 2020 na Biblioteca Concepción Arenal (Campus Vida), en Santiago de Compostela.
Podes consultar aquí o programa.
O programa de actividades inclúe un obradoiro práctico de tradución (25 participantes). Se desexas participar, é preciso que o indiques na inscrición. Nese caso, recibirías os textos cos que se traballará con varias semanas de antelación para a súa posta en común o día de celebración da xornada.
Cota de inscrción: A inscrición para socias e socios da AGX e da AGPTI é gratuíta, para o resto de público a cota é de 10 euros, que se aboará o mesmo día da xornada.
Prazo de inscrición: até o 18 de decembro de 2019 ou até completar aforo (30 participantes).
Para anotarte, envía simplemente un correo electrónico a infoagx@gmail.com cos teus datos, indicando se desexas participar ademais no obradoiro ou non.
O vindeiro mércores día 22 de maio, María FERNÁNDEZ MOYA, investigadora e profesora no Colegio Universitario de Estudios Financieros (CUNEF Universidad Complutense de Madrid), impartirá a conferencia “O mercado exterior do sector editorial español” no Salón de Graos da Facultade de Filoloxía e Tradución
DÍA: mércores 22 de maio
HORA: 11.00 h
LUGAR: Salón de Graos da Facultade de Filoloxía e Tradución
Estades todas e todos os convidados
María Fernández Moya é doutora en Historia Económica e profesora no Colegio Universitario de Estudios Financieros (CUNEF Universidad Complutense de Madrid). 
O seu relatorio versará sobre o mercado do libro, un tema de sumo intrese para o mundo da tradución.
España é actualmente unha das potencias mundiais en materia de edición xa que move uns 3 000 millóns de euros. Dada a falta de liderado noutros sectores industriais, o mediocre nivel educativo e cultural do país durante case todo o século XX, como é posible que España ocupe un posto tan relevante no rango internacional de potencias editoriais?, como foi capaz de forxar un tecido editorial competitivo a nivel internacional?
A profesora Fernández Moya tratará de responder a estas e outras preguntas que se lle formulen sobre a cuestión.
A conferencia está financiada pola Vicerreitoría de Extensión Universitaria e Relacións Internacionais da Universidade de Vigo dentro da convocatoria 2019 de “Axudas para actividades extraacadémicas e de difusión cultural”.
Agardámosvos a todas/os!
As profesionais da interpretación que forman parte da AGPTI están a detectar nos últimos tempos unhas determinadas mudanzas no mercado desta profesión en Galiza. Por iso, decidimos xuntarnos e procurar a colaboración da Universidade de Vigo para dar forma a unhas xornadas nas que todos os axentes implicados na interpretación poidamos debater e conversar sobre o estado da profesión, as mellores prácticas (e non tan boas), as necesidades de quen contrata estes servizos e como podemos traballar conxuntamente pensando nun futuro sostíbel para quen se dedica profesionalmente á interpretación na nosa terra, mais tamén para que as entidades e empresas contratantes e as xestoras poidan falar directamente coas persoas que poñen en práctica este servizo.
Moitas veces ten chegado á AGPTI a idea de que, nos últimos anos, hai quen organiza congresos nas principais cidades galegas e está a contar con profesionais que veñen de fóra, ou escoitamos que os prezos dos servizos están a descender de xeito dramático. Estas dúas informacións son preocupantes por si soas mais, de feito, tamén son contraditorias. Como asociación implicada co futuro da nosa profesión, preocúpanos que esta mudanza do mercado poida ter consecuencias negativas sobre a súa calidade e estabilidade. Por iso queremos entender os motivos e procurar o xeito de que tanto as persoas que estudan na Universidade de Vigo como as que teñen anos de experiencia poidan exercer o seu traballo dun xeito digno.
Esta xornada de traballo terá lugar no salón de actos da Facultade de Filoloxía e Tradución da Universidade de Vigo o vindeiro 5 de febreiro de 2019, das 9.30 ás 14.00 h. O programa consiste en dúas mesas redondas:
09.30 Presentación
Iria Taibo (presidenta da Asociación Galega de Profesionais da Tradución e da Interpretación) e Luis Alonso (profesor de interpretación e decano da Facultade de Filoloxía e Tradución da Universidade de Vigo).
10.00-11:30 Mesa redonda 1 – As empresas de interpretación e de organización de eventos e os clientes finais
Convidamos as axencias de tradución e interpretación e as empresas organizadoras de eventos a falaren de como ven o mercado na actualidade, tanto aquelas que fan de intermediarias entre clientela final e intérpretes coma os propios clientes finais. O obxectivo é falarmos de novos axentes que comezan a introducirse neste sector e de como consideran as participantes que isto está a mudar o seu xeito de traballar e as condicións de traballo para as e os profesionais, ademais de coñecer as principais problemáticas e necesidades deste sector na actualidade e a súa relación con esta industria.
Interveñen: Aída Cordeiro (CEO de Attesor Traducción y Comunicación), Elena Martín (xerente de Nartran Translations), Ana Trevisani (presidenta de OPC Galicia) e Belén Vallina (xerente da Fundación Vigo Convention Bureau)
Modera: Lara Domínguez (intérprete de conferencias e doutora en Interpretación)
11.30-12.00 Pausa
12.00-13:30 Mesa redonda 2 – As profesionais da interpretación
Queremos falar da situación actual da profesión, non só para queixármonos (que tamén, se é preciso), senón para facer propostas desde o punto de vista das caras visíbeis da interpretación, e das persoas que están máis en contacto con todos os axentes implicados. Queremos saber cara a onde tiraría a interpretación en Galiza (e en galego), se das profesionais dependese.
Interveñen: Iria Castro, María Reimóndez, Michael Skinner e Tania Souto
Modera: Luis Alonso (profesor de interpretación e decano da Facultade de Filoloxía e Tradución da Universidade de Vigo)
14.00 Conclusións. Lara Santos (intérprete de conferencias e vogal de Interpretación da AGPTI)
Inscrición obrigatoria e gratuíta ata o día 1 de febreiro en https://goo.gl/forms/cCS8lm5TESp5385y2. Entregarase un certificado de asistencia a quen o solicite no momento da inscrición.
O grupo de investigación BITRAGA, integrado en BIFEGA organiza unha conferencia de Gustavo Sorá (CONICET, Arxentina e Universidade Nacional de Córdoba), antropólogo, especialista en Socioloxía da Tradución e membro correspondente do Centre de Sociologie Européenne. O acto terá lugar o 3 de decembro ás 11 h no Salón de Graos da FFT baixo o título:
Desafíos teóricos en los estudios sobre la traducción de libros: aproximaciones históricas y sociológicas sobre la traducción de libros en Argentina
Desde o marco do Sistema Mundial das Traducións, analiza o poder desigual de linguas e mercados nacionais para a lexitimaren internacionalmente a palabra impresa, así como os obstáculos e manipulacións dos intercambios asociados á tradución de libros.
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.